Biz ijtimoiy tarmoqlarda
"UMS" kompaniyasi 2017 yilning birinchi yarmida 2 milliondan ziyod abonentning murojaatlarini ko'rib chiqdi

Xalq bilan muloqot va inson manfaatlari yilida jismoniy va yuridik shaxslarning murojaatlari bilan ishlash prinsipi takomillashtirilmoqda. Bu ayniqsa mobil aloqa sohasiga taaluqli, chunki bugungi kunda yurtimizda mazkur xizmatdan 21,5 million abonent foydalanmoqda.  Ushbu bozor ishtirokchilaridan biri bo'lmish “UMS” mobil aloqa operatori joriy yilning 6 oyi dvomida 2 milliondan ziyod abonentning murojaatlarini ko'rib chiqdi.

Talablarga mos aloqa operatori. Abonentlar kutganiga mos bo'lishga intiluvchi “UMS” kompaniyasi o'z oldiga ana shunday yuqori marra qo'ygan. Bu ishlarning muhim yo'nalishlaridan biri murojaatlarni ko'rib chiqishdir. Chunki mijozlarning kompaniyaga ishonchi va u ko'rsatayotgan xizmatlardan qoniqishi darajasi    o'zi ko'targan masalani tez va to'liq hal etilishiga ham bog'liq.

“UMS”  abonentlari kompaniyaga  bosh direktorning virtual qabulxonasi, call-markaz, operatorning ijtimoiy tarmoqlardagi rasmiy sahifalari, facebookdagi “potrebitel” guruhi, saytdagi qayta aloqa shakli, ofislarga borib, top menejerlar va hududiy bo'linmalarning rahbarlari bilan yuzma-yuz ko'rishish yo'li bilan murojaat qilishlari mumkin. “UMS”  bosh direktorining virtual qabulxonasi abonentlar murojaatlarini ko'rib chiqishda katta rol o'ynaydi.

“UMS”  bosh direktorining virtual qabulxonasiga tushayotgan barcha murojaatlar rasmiy hisoblanadi. Virtual qabulxonaga kelgan murojaatlarning ob'ektiv va o'z vaqtida ko'rib chiqilishi “Jismoniy va yuridik shaxslar murojaatlari to'g'risidagi” O'zbekiston Respublikasi Qonuniga asosan ta'minlanmoqda.  

Shu o'rinda statistika ma'lumotlariga nazar tashlasak: “UMS”  Bosh direktori virtual qabulxonasi ishga tushirilgandan to bugungi kungacha 400 dan ortiq murojaat kelib tushdi. Bitta murojaatni ko'rib chiqish uchun o'rta hisobda 1 kun kerak. Murojaatlarning ko'p qismi abonentlarning takliflari va tavsiyalaridan iborat. Shu takliflarning qariyb 40 foizi hozirda amalga oshirilgan, ya'ni «Connect» va «Gap Bor» yangi tarif rejalari, MEGAbaytlar aksiyasi joriy qilinib, bir qator saytlarga bepul kirish amalga oshirildi.

Shu bilan birga, kelib tushayotgan savollar soni bo'yicha “UMS” call-markazi peshqadam hisoblanadi, chunki ushbu markaz kompaniyaga kelayotgan murojaatlarning 99 foizidan ziyodini qabul qiladi. Birgina 2017 yilda Ma'lumotlar bo'limi operatorlari 700 mingdan ortiq qo'ng'iroqqa javob berishdi.

 “Call-markazga abonentlarning murojaatlari mavzusi turlicha. Ularning aksariyati kompaniyaning qo'shimcha xizmatlariga taalluqli. Bular turli xil Internet-paket va Internet xizmatlar, tarmoq ichidagi bepul muloqot, “Sizga qo'ng'iroq qilishdi” xizmatidir. Abonentlar shuningdek, ulanish usullari, narxi, taqdim etish shartlari, mazkur opsiyalarni sozlash kabi masalalar bilan ham qiziqishadi. Bundan tashqari,  mijozlarni so'nggi va doimiy hisob to'ldirish, kompaniyaning tarif rejalari shartlari ham qiziqtiradi. Bu yo'nalishdagi eng ko'p murojaatlar yangi tarif rejalar–  «Connect», «Terminal», «Gap bor», «Optima 333» ga taalluqli. Abonentlar shu bilan birga, xizmatlarni sozlash masalasi bo'yicha ham murojaat etishadi,– deydi «UMS» MCHJ  Ma'lumot-axborot bo'limi boshlig'i Olga Kim

“UMS” call-markazi haqida yana bir necha qiziqarli faktlarni keltiramiz. Kompaniyaga qo'ng'iroq qilgan abonentlarning 60 foizdan ziyodi o'z masalasini operator bilan gaplashmasdan, avtomatlashtirilgan ovozli yordamchi ko'magida hal qilgan.

Umuman olganda, “UMS”  kompaniyasi abonentlar savoli va murojaatlarini ko'rib chiqish bo'yicha ishlarni davom ettirmoqda. Ular uchun qo'shimcha qulaylik yaratish maqsadida operator Instagram ijtimoiy tarmog'ida ham rasmiy sahifasini ochdi.  Shu tariqa kompaniya o'z mijozlari xizmatlar sifati va qulayligidan mamnun bo'lishi, o'z fikr va takliflarini ochiq bayon etishlari ustida doimiy ish olib bormoqda.

Ro'yxatga qaytish